ЯЗМАЛАР
-
Чит шәһәргә китәм
Мәктәпне тәмамлап, башка шәһәргә укырга китү балага мавыктыргыч сәяхәт булса, күпчелек ата-ана өчен бу чор сөенеч катыш борчулы юлның башы булырга мөмкин. Баланы читкә җибәрү көенечкә әверелмәсен өчен нишләргә? Язмада шушы сорауга җавап эзлибез.
-
Йокы сәнгате
Йоклаганда баш мие дә ял итә дип уйласагыз, ялгышасыз. Нәкъ менә төнлә ул көн дәвамында алынган мәгълүматны эшкәртү: мөһимрәген хәтер капчыгына салу, чүп-чарын юк итү белән мәшгуль. Шуңа да кеше өчен күпме түгел, ә ничек йоклау мөһим. Йокы сыйфатлы булырга тиеш.
-
Алиш исемен горур йөртәбез
Татар телендә белем һәм милли тәрбия бирүче Казан шәһәре Совет районының 20 нче гимназиясе балалар бакчасы бинасында 2001 елда ачыла. Баксаң, 25 ел вакыт узып та киткән. Ә нинди уңышлар белән килде соң ул чирек гасырлык юбилеена? Менә шулар белән таныштыру, тарихка күз салу исәбем.
-
Югалган Ә
Милләте буенча татар булып та, сөйләме башка телдә ачылган һәм 4–5 яшькә кадәр туган телен ишетмәгән, шул телдә аралашмыйча үскән балага туган теленә хас үзенчәлекле авазларны әйтү гаять авыр. Гомумән, күпчелек балалар татарча сүзләрне, иҗекләрен кыскартмыйча, алыштырмыйча, төгәл, чиста итеп әйтә дә алмый. Бу исә артикуляцион моториканың әлеге тел системасына җайлашып формалашмавына бәйле. Гади генә итеп әйтсәк, сәбәбе – сабыйның теле туган телендә ачылмауда.
-
Төркиячә укыту: 4+4+4 принцибы
Эльмира Демирәл – моннан унҗиде ел элек Төркиягә килен булып төшкән татар гүзәле. Чыгышы белән Балык Бистәсе районының Балтач (Юлсубино) авылыннан ул. Саргылт чәчле, зәңгәр күзле Төркия татары Шөкери белән 2006 елны Казанда узган II Бөтендөнья татар яшьләре форумында таныша журналист кыз. Бер елдан гаилә булып Төркиянең Маниса шәһәрендә яши башлый алар. Бүген Демирәлләр оясында өч кыз үсә: Зәйнәпназга – 16, Заһидәнурга – 9, Зөбәйдәнисага 5 яшь. Төркиядә бала тәрбияләү җиңелме? Бакча-мәктәпләре нинди? Шул хакта үзебезнең Эльмира сөйли.
-
Фән һәм медиа
Гали Акыш исемендәге 84 нче лицей-интернат милли рухны югары технологияләр белән берләштерде. Республикада беренчеләрдән булып, КФУның Филология һәм мәдәниятара бәйләнешләр институты белән берлектә медиасыйныфлар ачылды. Анда КФУ галимнәре һәм «Шәһри Чаллы», «Көмеш кыңгырау» кебек абруйлы басмалар журналистлары дәресләр алып бара. Балалар татарча подкастлар язарга, социаль челтәрләрдә контент булдырырга өйрәнә.
-
Фәрит Йосыповның фәнни-методик эшчәнлеге
Филология фәннәре докторы, профессор, халкыбызның күренекле тел галиме Фәрит Йосыпов үзенең бөтен эшчәнлеген Россия һәм чит төбәкләрдә таралган татар сөйләшләрен өйрәнүгә, татар телен балалар бакчаларында, мәктәпләрдә һәм югары уку йортларында укытуга багышлады.
-
Гаилә – иң зур терәк
54 нче татар гимназиясенең «Гаиләмнең туган теле» проекты – республика күләмендә дә кызыклы һәм файдалы тәҗрибә. Бу проектның нәтиҗәлелеге гимназиягә килүче балалар саны елдан-ел арта баруы белән исбатлана. Уку йортларын сайлап алу мөмкинлекләре булса да, якын-тирәдә яңа мәктәпләр ачылуга карамастан, ата-аналар 54 нче гимназияне сайлый.
-
Әзерме? Әзер!
Академик белемнәр ‒ мәктәпкә әзерлекнең бер өлеше генә. Укырга кергәнче баланың укый, яза, саный белүе аңа адаптация чорын җиңел үтү өчен кирәк. Мәктәп исә баланың физиологик, иҗтимагый һәм психологик яктан әзер булуын таләп итә.
-
Пляж волейболы – яланаяклы спорт
Кояш, комлы яр буе, зәңгәр күккә очучы туп. Бу санда иң җәйге спорт төре – пляж волейболы турында сөйләшербез.
-
Татар намазлыгы
Казан шәһәренең Кол Шәриф мәчетендә урнашкан Ислам мәдәнияте музеенда өр-яңа проектка алынганнар: татар намазлыкларын барлыйлар. Милли ядкәр генә түгел, гаилә тарихлары, язмышлар да барлана. Шул уңайдан музей белән берлектә журнал битләрендә яңа сәхифә ачып җибәрдек. Күргәзмәгә тупланган намазлыклар белән укучыларыбызны да таныштырып барачакбыз.
-
Акыл батлы – шахмат
Шахмат хисләргә түгел, иң элек акыл һәм мантыйкка нигезләнеп фикер йөртергә өйрәтә. Бу уен серләренә төшенгән бала киләчәктә тормыш мәсьәләләрен җиңел хәл итәчәк, ди белгечләр. Сәхифәбез үзәгендә акыллы уен ‒ шахмат.
-
Хәрәкәтле ял – милли уеннар
Беркөн шәһәр йорты ишегалдыннан үтеп барам. Җәйге каникуллар булуына карамастан, ни гаҗәп, уен мәйданчыгында нибары ике бала утыра, икесенең дә кулында телефон. Ишегалдында унбиш минут булганмындыр, шул дәвер бер-берсенә күтәрелеп тә карамады болар. Балам урамда уйнап йөри дип сөенеп тор син менә. Ишегалды уеннарын уйнап, хәрәкәттән бәрәкәт алыр чорда, кояш астында телефонда утыралар икән бит.
-
Беренче бишлектә
Укучыларның Бөтенроссия фән олимпиадасында Татарстан командасы быел да сынатмады – ил күләмендә беренче бишлеккә керде. Җиңүчеләрне һәм аларның остазларын бүләкләү чарасы күркәм традиция буенча уку елы ахырында Казандагы Идел буе физкультура, спорт һәм туризм академиясендә узды. Олимпиада йолдызларын ТР мәгариф һәм фән министры Илсур Һадиуллин котлады.
-
Әтигә «Юаш» дигән кушамат тагар идем
Фольклорчы галим, педагог, шагыйрь, җәмәгать эшлеклесе Рәшит Ягъфәровның быел 80 еллыгы билгеләп үтелде. Арабыздан вакытсыз киткән әлеге шәхес киң җәмәгатьчелеккә яхшы билгеле иде. Аның улы танылган кинорежиссёр, татар кинематографиясенә шактый күп өлеш керткән, Татарстанның Кинематографистлар берлеге рәисе, Татарстанның атказанган сәнгать эшлеклесе Илдар Ягъфәров белән атаклы нәсел җепләрен барладык.
ТӘКЪДИМ ИТӘБЕЗ
