Татарстан укучыларына өч фән буенча уңышлары өчен премия түләячәкләр

Шул максаттан алар өчен 57,5 мең сум күләмендә бер мәртәбә бирелә торган премия кертелә. Тиешле карарны ТР премьер-министры Алексей Песошин имзалады.

Түләүләргә 5–11  нче сыйныф укучылары дәгъва итә ала: 5–6 нчы һәм 7–8 нче сыйныфлардан 50 шәр кеше һәм 100 югары сыйныф укучысы.

Премиягә дәгъва итү өчен:

– әлеге фәннәрдән 4,5 тән ким булмаган балл булырга тиеш;

–  ким дигәндә, ярты ел физика-математика юнәлешендәге түгәрәкләргә йөрү зарур;

–  ким дигәндә, бер казаныш кирәк: олимпиадада җиңү, интеллектуаль эшчәнлек нәтиҗәләре яки чаралар җиңүчесе дипломы.

Бөтенроссия олимпиадасының региональ һәм йомгаклау этапларында җиңү яулаган укучылар катнаша алмаячак.

Бүләк (түләү) «Физико-математический прорыв» проекты кысаларында әлеге фәннәрне популярлаштыру өчен каралган.

Фото: ТР Мәгариф һәм фән министрлыгы сайты