Тарих фәненнән телдән имтихан кертелә
9 нчы сыйныфларда тарихтан телдән имтихан кертү укучыларның материалны эзлекле аңлата, чыганаклар белән эшли һәм үз фикерләрен дәлилли белүен тикшерергә мөмкинлек бирәчәк. Бу хакта РФ Мәгариф министрлыгы эксперты, Шадринск дәүләт педагогика университетының тарих һәм хокук кафедрасы доценты Светлана Подкорытова хәбәр итте, дип яза РИА Новости.
Эксперт фикеренчә, дәүләт йомгаклау аттестациясенә (ГИА) кертелү өчен тарихтан телдән имтихан үткәрү — стратегик яктан дөрес адым. Материалны эзлекле аңлату, мәгълүматны анализлау һәм үз фикереңне дәлилләү функциональ грамоталылыкның мөһим өлеше булып тора.
Светлана Подкорытова билгеләп үткәнчә, мәктәптә тарих буенча фикер алышуларда һәм коллоквиумнарда даими катнашкан укучыларның фикерләү дәрәҗәсе югарырак була. Алар аралашу, мәгълүматны критик анализлау һәм зур күләмдәге яңа мәгълүмат арасында кирәклесен табу күнекмәләренә яхшырак ия.
Эксперт шулай ук зачет форматының укучыларга артык психологик басымны киметергә һәм сөйләшүнең эчтәлегенә игътибар бирергә мөмкинлек бирүен ассызыклады.
Фото: нейрочелтәр
Язмага реакция белдерегез
Вход на сайт
ТӘКЪДИМ ИТӘБЕЗ
Комментарийлар