Татарстан педагоглары — Бөтенроссия мәктәп музейлары конкурсында җиңүчеләр арасында

Проект 2026 елның мартыннан октябренә кадәр Россия Федерациясе Президенты Владимир Путин йөкләмәсе буенча, Россия Федерациясе Мәгариф министрлыгы ярдәме белән үткәрелде. Конкурста илнең 89 төбәгеннән 4696 вәкил катнашты. 35 миллион сумлык приз фонды Россиянең 44 төбәгендәге 70 уку йорты арасында бүленде.

Җиңүчеләрнең һәркайсы мәктәп музейларын һәм экспозицияләрен үстерү һәм яңарту өчен заманча җиһазлар белән бүләкләнде. Татарстан Республикасы тарихи мирасны саклау һәм аның белән эшләү өлкәсендә югары дәрәҗә күрсәтте. Республика педагоглары илнең иң яхшы остазлары исемлегенә керде.

Алар арасында: Татьяна Компаненко – Советлар Союзы Герое М. Чирков исемендәге Кама Тамагы кадетлар интернат-мәктәбе педагог-оештыручысы; Динә Шәрифуллина – Чаллы шәһәренең 39 нчы күп профильле мәктәбенең тарих укытучысы. Конкурс лауреатларының тулы исемлеге проектның рәсми сайтында урнаштырылган.

Фото – ТР Мәгариф һәм фән министрлыгы рәсми сайты.