Казан укучысы химиядән халыкара олимпиадада катнаша
Казанның 131 нче лицеенда белем алучы Ибраһим Шәйхетдинов Әбү Рәйхан әл-Бируни исемендәге химия буенча халыкара олимпиадада Россия җыелма командасы составында катнашачак. Бу хакта шәһәр мәгариф идарәсендә хәбәр иттеләр.
ARBIChO-2026 олимпиадасы 3–10 ноябрьдә Үзбәкстанның Нөкес шәһәрендә узачак. Быел анда 32 илдән укучылар көч сынаша.
Катнашучыларны ике этап көтә. Теоретик турда алар химиянең төрле бүлекләре буенча катлаулы мәсьәләләр чишәчәк. Практик этапта лаборатор экспериментлар үткәрү һәм фәнни-тикшеренү эшләре алып бару күнекмәләрен күрсәтәчәкләр.
Фото: ТР Мәгариф һәм фән министрлыгы матбугат хезмәте
Язмага реакция белдерегез
Вход на сайт
ТӘКЪДИМ ИТӘБЕЗ
Комментарийлар