Логотип Магариф уку
Цитата:

Шәһәр һәм авыл

(2 нче сыйныфта әйләнә-тирә дөнья дәресе)

Зөһрә ГАТАУЛЛИНА,

Апас урта мәктәбенең

I квалификация категорияле

башлангыч сыйныфлар укытучысы

 

Дәрес тибы: яңа белем үзләштерү.

Җиһазлау: дәреслек, төсле әләм, төсле фишкалар, проектор, аудиоязма тыңлау өчен аппаратура.

Дәреснең максаты: шәһәр һәм авыл тормышын күзаллау; туган якка, үз шәһәреңә (авылыңа) мәхәббәт тәрбияләү, танып белү активлыгын, күзәтүчәнлекне, сөйләмне, фикерләүне, фикер йөртә белүне үстерү.

Дәреснең бурычлары:

– укучыларның шәһәр һәм авыл тормышы турындагы күзаллауларын системалаштыру, укучыларда «шәһәр», «авыл», «шәһәр кешеләре», «авыл кешеләре» төшенчәләрен киңәйтү;

– әлеге төшенчәләрне чагыштыру һәм аларның һәркайсының аермалы сыйфатларын атау күнекмәләрен үстерергә, нәтиҗәләр ясарга өйрәтү;

– туган шәһәргә һәм аның традицияләренә мәхәббәт, сакчыл мөнәсәбәт һәм хөрмәт хисләре тәрбияләү.

Планлаштырыла торган нәтиҗәләр:

Регулятив: дәреснең уку бурычын аңларга һәм аны үтәргә омтылу;

– әйләнә-тирә дөнья объекты турында телдән сөйләү өчен тәкъдим ителгән планнан файдалану;

– үз фикереңне әйтергә, үз гамәлләреңне, үз-үзеңне бәяләргә өйрәнү;

– уку бурычларын үтәгәндә төркемдә үзара хезмәттәшлек итү, үзара тикшерү үткәрү; әйтелмәләрнең дөреслеген (ялганлыгын) билгеләү.

Танып белү: шәһәр һәм авыл турындагы мәгълүматны эзләү;

– чагыштыру һәм анализлау;

– үз белем системасында ориентлашу, мәгълүмат белән эшли белү күнекмәләрен булдыру;

– фикерләү операцияләрен үстерү: объектларның мөһим билгеләрен ачыклау максатында иллюстрацияләрне анализлау һәм чагыштыру нигезендә әйләнә-тирә дөнья объектларын классификацияләү;

– өйрәнелгән материалдан нәтиҗәләр ясау.

Коммуникатив: парлап эшләү: шәһәр һәм авыл сурәтләрен табу, шәһәр фатиры һәм авыл йортының интерьерын тасвирлау;

– үз позицияңне җиткерергә, партнёрларны тыңларга һәм ишетергә өйрәнү;

– үз карашыңны бәян итү һәм аны анализлау.

Шәхси нәтиҗәләр:

– барлык кешеләр өчен дә уртак булган үз-үзеңне тоту кагыйдәләрен мөстәкыйль билгеләү һәм аларга таяну;

– яңа белемнәр алу кирәклеген аңлау;

– кешенең җиргә, табигатькә карата уңай мөнәсәбәтен формалаштыруда авыл тормышының әһәмиятен күрсәтү;

– кече Ватаның өчен горурлык хисе тәрбияләү, сөйләм конструкцияләрен дөрес төзергә өйрәнү.

Предмет нәтиҗәләре:

– «шәһәр», «авыл», «шәһәр кешеләре», «авыл кешеләре» төшенчәләрен күзаллау, аларның аермалы билгеләрен атау;

– фотографияләр ярдәмендә һәм шәхси күзәтүләр буенча шәһәр белән авылны чагыштыру;

– үз шәһәрең (авылың), үз йортың турында план буенча сөйләү; шәһәр һәм авыл йортларын чагыштыру.

 

Дәрес барышы

I. Оештыру өлеше. Уңай психологик халәт тудыру

– Хәерле иртә, укучылар!

Кояш безне сәламли,

Без кояшны сәламлик.

Нурларыннан җылы алып,

Бер-беребезгә өләшик!

– Балалар, ә сез гадәттә иртән ничек исәнләшәсез?

– Дөрес, «Хәерле иртә!» Ә бит моны кемдер юкка гына уйлап чыгармаган. Мөгаен, ул кешеләрнең бер-берсенә хәерле иртә теләп, көне буе кояшлы һәм яхшы кәефтә булуларын теләгәндер? Мин дә сезнең иртәгез дә, көнегез дә хәерле булуын телим.

II. Белемнәрне актуальләштерү

– Балалар, яңа танышларыгызны кунакка чакыру өчен, сез аларга нәрсә әйтергә тиешсез?

– Дөрес! Үз адресыгызны. Ә адрес нәрсә ул?

– Үз адресын кем әйтә ала?

– Ә безнең илебезнең адресын кем әйтә ала?

– Ә безнең ил башка дәүләтләрдән нәрсә белән аерыла?

– Россиянең дәүләт символларын кем атый ала?

– Россия флагы нинди?

– Флаг төсләре нәрсәне символлаштыра?

– Россия гербы турында нәрсә сөйли аласыз?

– Россиядә нинди халыклар яши?

– «Федерация» сүзе нәрсәне аңлата?

– Яхшы, балалар. Ә хәзер дәфтәрләрегезне ачыгыз, мин сезнең өй эшләрен ничек башкарып чыкканыгызны тикшерәм.

          III. Кыенлык урынын, аның сәбәбен билгеләү

– Балалар, сез биремне бик яхшы үтәдегез. Димәк, сез мине үткән дәрестә игътибар белән тыңлагансыз.

– Ә бүген дәрестә нәрсә турында сөйләшәчәгебезне белү өчен, сезгә башваткыч чишәргә тәкъдим итәм.

– Экранга карагыз. (2 нче слайд. Укытучы биремне аңлата.)

– Нинди сүзләр килеп чыкты? (3 нче слайд)

– Дәрестә нәрсә турында сөйләшәчәгебезне кем аңлады?

– Әйе, балалар, бүген без шәһәрнең һәм авылның нәрсә икәнен ачыкларбыз. Алар арасында нинди аерма барлыгын күзәтербез.

 

IV. Дәрес темасы буенча эш

– Балалар, хәзер күзләрегезне йомыгыз һәм бөтен тавышларны игътибар белән тыңлап торыгыз. Сезнең бурыч кая килеп эләккәнегезне, әйләнә-тирәгездә нәрсә булганын, мондый тавышларны кайда ишетергә мөмкин икәнен аңлау. («Авыл иртәсе», «шәһәр шаукымы» аудиоязмалары.)

– Молодцы, сез биремне бик яхшы үтәдегез.

– Шәһәр авылдан нәрсә белән аерыла? (4 нче слайд)

– Әйдәгез, шулай эшлик, 1 нче вариант шәһәрнең үзенчәлекләрен атый, ә 2 нче вариант – авылныкын.

 

Шәһәр

Авыл

1. Күпкатлы йортлар.

2. Юллар асфальт белән капланган.

3. Бик күп заводлар һәм фабрикалар, офислар һәм сәүдә үзәкләре.

4. Җәмәгать транспорты – троллейбуслар, автобуслар, трамвайлар үсеш алган.

5. Бик күп һәйкәлләр, музейлар, театрлар, күңел ачу үзәкләре.

1. Агачтан, кирпечтән салынган шәхси йортлар.

2. Авыл юллары.

3. Культуралы үсемлекләр үстерелә торган кырлар, йорт хайваннары көтүләре, фермалар.

4. Авыллар гөмбә, җиләк-җимеш, үләннәр күп булган урман белән әйләндереп алынган.

5. Чиста һава, экологик чиста туклану продуктлары.

 

V. Физкультминут

Ә хәзер ял итеп алыйк әле. Игътибарлы булыгыз, мин сезгә сүзләр әйтәм, ә сез шәһәргә хас сүзләр ишетсәгез идәнгә чүгәлисез: театр, цирк, бакча, троллейбус, метро, чиста һава. (Укучылар һөнәр исемнәрен ишетсәләр чүгәлиләр.)

 

VI. Дәрес темасы буенча эшне дәвам итү

1. Дәреслек буенча эш.

– Дәреслекнең 8–9 нчы битләрен ачыгыз.

– Рәсемнәргә игътибар белән карагыз һәм әйтергә тырышыгыз:  

«Нәрсә ул шәһәр?» «Нәрсә ул авыл?»

– Биремне үтәдек. Ә хәзер фишкаларны алып, 10–11 нче битләрдәге рәсемнәрдә шәһәр һәм авыл йортларының аермаларын әйтегез.

2. Эш дәфтәрендә биремне үтәү.

– Балалар, 8 нче биттәге эш дәфтәрләрен ачыгыз. (1 нче биремне мөстәкыйль үтәгез. Үзара тикшерү.)

 

VII. Үткәннәрне беркетү

– Ә сез мондый сорауга ничек җавап бирерсез: «Кайда яшәвең яхшырак: шәһәрдәме, авылдамы?»

– Әйдәгез, җавап бирергә ашыкмыйбыз, сез аны өйдә уйларсыз, ә икенче дәрестә без бу турыда фикер алышырбыз.

– Балалар, без кайсы торак пунктта яшибез?

– Безнең республика ничек атала?

– Республикабызның башкаласын кем әйтер?

– Ә безнең районда аккан елганың исеме ничек?

– Ә безнең республикада яшәүчеләр ничек атала?

 

VIII. Рефлексия

– Балалар, әйтегез әле, кешенең яшәү шартлары аның кайда яшәвенә генә бәйлеме? Тормышы мөмкин кадәр яхшырак булсын өчен, кеше нишләргә тиеш?

– Әйләнә-тирә мохитнең матурлыгын һәм байлыгын ничек саклап калырга? Менә без сезнең белән моның өчен нәрсә эшли алабыз?

– Бүген дәрестә ничек эшләвегез миңа бик ошады. Инде сезнең фикерегезне беләсем килә. Минем белән килешүчеләр кызыл флаг күрсәтә, килешмәүчеләр – зәңгәр. Ә уйга калганнар – акны. (Билге кую.)

 

IX. Йомгаклау

– Балалар, өйдә бу мәсьәлә турында яхшы уйларсыз. «Кайда яшәвең яхшырак? Шәһәрдә яки авылда?»

Өй эше: дәреслектән 8–11 нче битләр, дәфтәрдән 8 нче биттәге 2 нче бирем, 9 нчы биттән 3 нче бирем.

 

Язмага реакция белдерегез

0

0

0

0

0

Реакция язылган инде

Комментарийлар

БАШКА ЯЗМАЛАР

Ишетми калмагыз

Аудиоязмалар

  • Гильм Камай

  • Җәлилнең якын дусты

  • Ирек Нигъмәти - "Кояш сүнде ул йортта"

  • Ләйлә Минһаҗева - "Милләтебезгә тугры, буыннарга үрнәк шәхес"


ТӘКЪДИМ ИТӘБЕЗ