Татарстанда «Елның иң яхшы яшь укытучысы» конкурсы тәртибе яңартыла

Татарстанда «Елның иң яхшы яшь укытучысы» конкурсын үткәрү тәртибе яңартылырга мөмкин. Татарстан Мәгариф һәм фән министрлыгы әзерләгән проект хәзер коррупциягә каршы экспертиза уза.

Проектта конкурсның максатларын төгәлләү каралган. Аерым игътибар яшь педагоглардан һәм җитештерү өлкәсендәге осталарның кадрлар резервы формалаштыруга, аларның һөнәри һәм шәхси үсешенә, шулай ук алдынгы тәҗрибәне таратуга бирелә.

Конкурс ел саен үткәрелер дип планлаштырыла. Этаплар даталары да үзгәрә: читтән торып катнашу этабы 25 сентябрьдән 9 октябрьгә кадәр, ә көндезге этап 10 октябрьдән 13 ноябрьгә кадәр узачак. Бүләкләү тантанасы 20 ноябрьдән дә соңга калмыйча үткәрелергә тиеш.

Шулай ук бүләкләү фонды артуы каралган: беренче урын –  574,7 мең сумга кадәр, икенче урын –  402,3 мең сумга кадәр, өченче урын –287,4 мең сумга кадәр.

Моннан тыш, партнер оешма исеме яңартылуы һәм конкурс нигезләмәсенә техник төзәтмәләр кертү планлаштырыла.

Фото: ТР Мәгариф һәм фән министрлыгы матбугат хезмәте