«Киләчәк турында хыяллар» Бөтенроссия видеоэссе конкурсына гаризалар кабул ителә

Катнашучылар ике яшь категориясендә көч сынаша:

• кече төркем –  12–15 яшь,

• өлкән төркем –  16–18 яшь.

Командаларга 1–3 минутлык видеоролик әзерләргә кирәк. Ул түбәндәге темаларның берсенә багышланырга тиеш: «Фән берләштерә», «Технологияләр һәм табигать», «Киләчәк бүген төзелә», «Галәм».

Конкурс шартларының мөһим таләпләренең берсе – видеода ясалма интеллект ярдәмендә ясалган контент һәм команданың барлык әгъзалары катнашкан җанлы съемканы куллану.

Әзер видеоэссе ВКонтакте социаль челтәрендәге аккаунтта урнаштырылырга һәм конкурсның рәсми сайтындагы шәхси кабинет аша видео сылтамасы җибәрелергә тиеш.

Җиңүчеләрне бүләкләү тантанасы 7 июньдә узачак. Җиңүчеләрне һәм призерларны кыйммәтле бүләкләр көтә, ә барлык катнашучыларга электрон сертификатлар җибәреләчәк.

Командаларны теркәү 3 апрельгә кадәр дәвам итә. Эшләрне кабул итү, теркәлү тәмамланганнан соң, 17 апрельгә кадәр дәвам итәчәк.

Проектның төп максаты – яшь буында фантаст-язучылар иҗатына кызыксыну уяту, шулай ук яшьләрне фәнни-тикшеренү, иҗади һәм инновацион эшчәнлеккә җәлеп итү.

Фото: РФ Мәгариф министрлыгы