Казанда «Балалар хоры» җыр лабораториясенә катнашырга чакыралар

11—15 август көннәрендә «Елмай» паркында «Балалар хоры» җыр лабораториясе узачак. Биш көн эчендә 7–14 яшьлек балалар хорда җырларга, сәхнәдә чыгыш ясарга, музыканы төрләндерергә һәм башка күп нәрсәләргә өйрәнә алачак.

Лаборатория эше йомгаклары буенча катнашучылар парк сәхнәсендә чыгыш ясаячак. Йомгаклау концерты 15 августта 16:00 сәгатьтә булачак, дип хәбәр итә чараны оештыручылар.

Катнашырга теләүчеләр  гаризаларын 5 августка кадәр сылтама  буенча кабул ителә. Катнашу өчен анкета тутырырга кирәк, анда музыкаль тәҗрибә белән уртаклашырга һәм яраткан җырны башкарган язманы беркетергә кирәк, дип хәбәр итә Казанның Парклар һәм скверлар дирекциясе.

Чара «Татарстанда җәй» проекты кысаларында гамәлгә ашырыла.