Яр Чаллыда республика педагогларының август киңәшмәсе узачак

Чарада мәгариф системасының узган уку елындагы эш нәтиҗәләре каралачак, шулай ук тармакның иң яхшы вәкилләре бүләкләнәчәк.

Наил Мәһдиев сүзләренчә, чара барышында шәһәрнең иң яхшы белем бирү учреждениеләренә акчалата премияләр тапшырылачак. Мэр исеменнән иң яхшы мәктәп, иң яхшы гимназия һәм иң яхшы балалар бакчасы билгеләнәчәк. Моннан тыш, педагоглар һәм мәгариф оешмалары җитәкчеләре дә бүләкләнәчәк.

Фото: ТР Мәгариф һәм фән министрлыгы матбугат хезмәте