Йортсыз калган Хәлимовлар гаиләсенә ярдәм кирәк

9 июль көнне  Кукмара районының Кенәбаш авылында яшәүче дүрт балалы Хәлимовлар гаиләсенә зур афәт килә – йортлары яна. Иң олы бала Ринат Хәлимов өч сеңлесен янгыннан коткарган. Аны бу кыю гамәле өчен бүләкләргә дә җыеналар. Починок-Кучук авыл җирлеге башлыгы Риналь Гыйниятов  «Ринатны батырлыгы өчен МЧС тарафыннан да, район тарафыннан да бүләкләү каралган», - диде горурланып.
Өч кеше гомерен янгыннан коткарган Ринатның гамәлен укый торган мәктәбендә дә  каһарманлык итеп күрсәтергә планлаштыралар.
Янгын фаҗигасе кичергән гаиләгә ярдәм итик, дүрт бала тиздән яңа өйгә күченер дип өметләник. Әлфия Хәлимованың карта номеры 5336 6901 5107 8724 (8-906-115-49-12 номерына беркетелгән.
 
.