Яшь галимнәргә торак шартларын яхшырту өчен грант

Документларны 30 октябрьгә кадәр тапшырырга мөмкин. Грантка Татарстанның фән яки мәгариф оешмаларында кимендә өч ел эшләгән Россия Федерациясе гражданнары – яшь галимнәр дәгъва итә ала. Фән кандидатларының яше 35 тән, ә фән докторларыныкы кырыктан артмаска тиеш.

Катнашучылар өчен төп шартларның берсе – гыйльми дәрәҗә булу һәм Татарстан фәнен үстерүгә  өлеш кертү. Быел барлыгы 16 грант бирү каралган. Һәр грантның күләме 1 миллион 375 мең сумны тәшкил итә. Гаризаларны тапшыру тәртибе, кирәкле документлар һәм катнашу шартлары турында тулырак мәгълүматны Татарстан Республикасы Фәннәр академиясенең рәсми сайтында табарга мөмкин.
Фото – Шедеврум.