«Абилимпикс» чемпионаты узачак

Ярышлар уздыру мәйданы ‒ Казан вертолет заводының җитештерү үзәге. Чарада Россия Федерациясенең 81 төбәгеннән 259 хәрбия операция ветераны катнашыр дип көтелә, алар арасында 26 татарстанлы да бар. Катнашучылар«Веб-җитештерү», «Электромонтаж», «Токарьлыкэше», «Слесарьлык эше», «Эретеп ябыштыру технологияләре» һәм башка юнәлешләр буенча 15 компетенциядә көч сынашачак. Республикабыз хәрбиләре шуларның уникесе буенча ярыша. Матбугат чаралары очрашуына килгән хәрби операция ветераны Александр Антонов, мисалга, чемпионатта «Башкару сәнгате» компетенциясе буенча катнаша. Батырның теләге – җыр сәнгате буенча осталыгын үстерү. Хәрби операциягә алынганда Александр инженер вазифасын башкара, җырлаганы булмый. Ләкин яу кырында, минага эләгеп, тулысынча сукыр калганнан соң, төшенкелеккә бирелмичә, үзен яңа өлкәдә сынамакчы ул. Шушы адымы белән күпләр өчен үрнәк, чемпионатта катнашырга теләк белдерүе дә – көчле рухлы булу билгесе. Оештыручылар билгеләп үткәнчә, чараның максаты да шуннан гыйбәрәт, ул хәрбия операция катаншучыларын, ветераннарны һөнәр аша тернәкләндерерү, хезмәт квалификациясен күтәрүне күздә тота. Ярышның финал этаплары һәм җиңүчеләрне бүләкләү 29 июльгә планлаштырылган.