Татарстан мөгаллимәсе «Ел остасы» бәйгесенең финалына чыкты.

Татарстан данын Н. В. Лемаев исемендәге нефть химиясе һәм нефть эшкәртү көллияте укытучысы, республика этабы җиңүчесе Алсу Казакова яклый.

29 сентябрьдә финалистлар беренче сынауны – «Белем бирү кейсларын чишү» этабын уздылар. Катнашучылар, командаларда көллият тормышындагы педагогик вазгыятьләрне анализлап, үз чишелешләрен жюрига тәкъдим итте. Аларның проблеманы хәл итүе, карарны тиз кабул итүе һәм командада эшли белүе бәяләнде.

30 сентябрьдә финалистлар Яңа Уренгой көллиятләре студентлары алдында ачык дәресләр үткәрәчәк.