Мин күкләргә ашкынам

31 июля 2025 Альберт САБИРОВ

Татарстан сәнагать һәм сәүдә министрлыгы августның беренче шимбәсендә «Мин күкләрне сайлыйм» дип аталган авиация бәйрәме уздыра.

Бу чара яшьләрдә очкычлар төзү тармагына, инженер-техник белгечлеккә, авиациягә кызыксыну уятуны күздә тота. Шул уңайдан бу көнне һөнәри юнәлеш бирү аллеясы эшләячәк, югары һәм махсус уку йортлары, предприятие вәкилләре чыгышлары булачак, осталык дәресләре күрсәтеләчәк.
Әлеге тармакта озак еллар уңышлы эшләүчеләрне тәбрикләячәкләр, артистлар тамашачыларга үзләренең җыр-моңнарын бүләк итәчәк. Балалар өчен уен мәйданчыклары оештырылачак. Чара Казандагы Гаилә үзәге янәшәсендә 15 сәгатьтә башалана.
Альберт САБИРОВ