Яңа ел якынлаша: бәйрәм көннәрендә Казан буйлап музыкаль фургон йөриячәк

Казан башкарма комитетының мәдәният идарәсе җитәкчесе Азат Абзалов билгеләп үткәнчә, музыкаль фургон шәһәрнең барлык районнары буйлап узачак. Якынча башлану вакыты — 15:30. Шәһәр халкы һәм кунаклары, танылган композицияләргә җырлап һәм биеп кенә калмыйча, фургон фонында фотога да төшә алачак. Сурәтләрне «Казан мәдәнияте» Telegram-каналына урнаштырырга кирәк булачак. Иң яхшы фотографияләр авторлары призларга лаек булачак.

Бәйрәм көннәрендә музыкаль фургонны ешрак Бауман урамында, «Мега» сәүдә үзәге , «Салават күпере» һәм «Калейдоскоп» паркларында, шулай ук Дәрвишләр бистәсендәге чыршы янында күрергә мөмкин булачак. 

Автор фотосы