19-20 февральдә «Тел, җәмгыять һәм мәгълүмати технологияләр» I Россиякүләм фәнни-гамәли конференциясе үткәрелә

Иртәгә, 19 февраль көнне беренче мәртәбә россиякүләм дәрәҗәдә «Тел, җәмгыять һәм мәгълүмати технологияләр» фәнни-гамәли конференциясе үткәреләчәк. Ул Россия халыкларының халык сәнгате һәм матди булмаган мәдәни мирасы елы, Татарстан Республикасында Цифрлаштыру елы кысаларында үткәреләчәк чаралар планын гамәлгә ашыру максатыннан оештырыла. 

 

Оештыручылар: «Белем.ру» (Белем Академиясе) ҖЧҖ, Татарстан Республикасы Иҗтимагый Палатасы, Татнетны үстерү фонды, Казан шәһәре Идел буе районының «16 нчы татар-инглиз гимназиясе». 

 

Конференция мәгълүмати һәм цифрлы технологияләр үсеше шартларында шәхес, җәмгыять, мәдәният, тел һәм коммуникация үзенчәлекләре үсеше мәсьәләләренә багышланган. 

 

Конференциянең максаты – мәгълүмати һәм цифрлы технологияләр үсеше шартларында заманча җәмгыять, мәдәният һәм телләрнең яшәеше өлкәсендәге проблемаларны ачыклау, тикшерү һәм хәл итү. 

 

Конференциядә җәмәгать эшлеклеләре, фәнни-педагогик хезмәткәрләр, аспирантлар, студентлар һәм гомуми белем бирү оешмаларының 5-11 сыйныф укучылары, муниципаль һәм иҗтимагый оешма вәкилләре катнашачак. 

 

Конференциянең программасы түбәндәге фәнни юнәлешләрне үз эченә ала: 

 

• Заманча мәгълүмати дөньяда телләрнең үзара тәэсир итешүе 

 

• Хәзерге җәмгыятьтә телләр һәм мәдәниятләр диалогы 

 

• Интернет челтәрендә тел һәм сөйләм 

 

• Мәгълүмати медиакиңлектә массакүләм аралашу 

 

• Тел һәм әдәбиятны өйрәнүдә һәм укытуда инновацион технологияләр 

 

• Мәгълүмати һәм лингвистик куркынычсызлык проблемалары 

 

• Мәгълүмати җәмгыятьтә медиакультура һәм әдәбият 

 

• Шәхес һәм җәмгыятьнең үзара виртуаль хезмәттәшлегенең психологик аспектлары 

 

• Заманча тәрҗемә итү мәсьәләләре.

 

 

Конференциянең программасы белән Белем.ру http://belem.ru порталында танышырга мөмкин.