X Бөтенроссия фәнни-тикшеренү эшләре конкурсы старт алды

Бәйгедә Россия югары уку йортлары һәм фәнни оешмалары студентлары һәм аспирантлары катнаша ала. Яшь чикләве – 35 яшькә кадәр. Бу хакта РФ Мәгариф министрлыгы матбугат хезмәте хәбәр итә.

Эшләр түбәндәге фәнни юнәлешләр буенча кабул ителә:

- агро -, био-һәм азык-төлек технологияләре;

- гуманитар фәннәр;

- инженерлык фәннәре;

- мәгълүмат технологияләре һәм математика;

- тормыш турындагы фәннәр һәм медицина;

- Җир турындагы фәннәр;

- экология;

- материаллар турындагы фәннәр;

- социаль фәннәр;

- физика һәм астрономия;

- химия һәм химик технологияләр.

Гаризалар 26 майга кадәр кабул ителә. Финал сентябрьдә «Киләчәк фәне – яшьләр фәне» X Бөтенроссия яшьләр фәнни форумы мәйданчыгында узачак.

Фото: ТР Мәгариф һәм фән министрлыгы сайты