Татарстанда ятимнәр 23 яшькә кадәр бушлай юридик ярдәм алачак

25 сентября 2025 Мәгариф

Татарстанда 18 яшьтән 23 яшькә кадәрге укучылар, уку дәверендә ятим калган очракта, бушлай юридик ярдәм алырга мөмкин.

Әлеге закон проектын депутатлар VII чакырылыш республика Дәүләт Советының 13 утырышында кабул итте.

Законлылык һәм хокук тәртибе комитеты рәисе Александр Чубаров хәбәр иткәнчә, документта түләүсез юридик ярдәм алырга хокуклы ата-ана тәрбиясеннән мәхрүм калган затлар категорияләре төгәлләштерелгән.