Татарстан районнарында август киңәшмәләре

21 август 2026 Мәгариф

Мәгариф хезмәткәрләренең республика конференциясе тәмамланганнан соң, август киңәшмәләре шәһәрләр һәм районнар мәйданчыкларына күчте.

19 августта алар Әтнә, Чүпрәле һәм Мөслим районнарында узды. Бүген Казан шәһәре мәгариф хезмәткәрләренең эшлекле җыены 95 нче табигый-фәнни лицеенда узды.

Чаралар 28 августка кадәр республикабызның барлык районнарында үтәчәк. Киңәшмәләрдә узган уку елына йомгак ясалачак, катнашучылар яңа уку елында өстенлекле бурычлар турында фикер алышачаклар, дип хәбәр итә Татарстан Мәгариф һәм фән министрлыгы матбугат үзәге.