Татарстан колледжларына 50 меңнән артык абитуриент гариза тапшырган

Документларны 15 августка кадәр, ә иҗади яки һөнәри юнәлешләр буенча өстәмә имтиханнар каралган белгечлекләргә — 10 августка кадәр тапшырырга мөмкин.

2026/2027 уку елына 17 меңнән артык бюджет урыны бүлеп бирелгән. Иң популяр юнәлешләр:

• медицина;
• хезмәт күрсәтү өлкәсе;
• төзелеш;
• машина төзелеше;
• педагогика;
• нефть химиясе.

Гаризаны түбәндәге ысуллар белән тапшырырга мөмкин:

• кабул итү комиссиясенә шәхсән килеп;
• «Дәүләт хезмәтләре» төбәк порталлары аша;
• «Колледжга онлайн укырга керү» федераль суперсервисы аша.

Әдилә Борһанова фотосы