Табигый фәннәр укытучылары өчен акчалата премия

Документ нигезендә, түләү күләме квалификация һәм эш стажына бәйле рәвештә 230 меңнән алып 345 мең сумга кадәр булачак. Максималь түләүне – 345 мең сумны – югары категорияле һәм тәҗрибәле укытучылар ала алачак. 5 елга кадәр стажы булган педагогларга – 288 мең сум, ә мәктәпләрдә хезмәт куючы югары уку йортлары мөгаллимнәренә 230 мең сум каралган.

Түләүне алу өчен кайбер критерийларны үтәргә кирәк. Аерым алганда, чыгарылыш сыйныф укучыларының кимендә 10% ы БДИда 80 һәм аннан да күбрәк балл җыярга, укучылар – олимпиада призерлары булырга, ә педагоглар үзләре белем бирү чараларында катнашырга тиеш.

Түләүләр конкурс нигезендә биреләчәк дип планлаштырыла. Җиңүчеләргә акчалата түләүне сайлап алу этабына йомгак ясаганнан соң, 45 эш көне эчендә бер мәртәбә күчерәчәкләр.

Фото: ТР Мәгариф һәм фән министрлыгы