Россиядә Остаз көне билгеләп үтеләчәк

03 апреля 2025 Мәгариф

Россия календаренда Остаз көне рәсми рәвештә барлыкка киләчәк. РФ Президенты Владимир Путин бу бәйрәмне гамәлгә кую турындагы указга кул куйды, ул ел саен 2 мартта билгеләп үтеләчәк. Бу турыда мәгълүмат хокукый актларның рәсми интернет-порталында басылып чыкты.

Бу көн дәүләт дәрәҗәсендә остазлыкның мөһимлеген күрсәтергә, аның абруен күтәрергә һәм бу эшчәнлекне популярлаштырырга тиеш. Бәйрәмнең датасы “Остазлык өчен” аерымлык билгесе турындагы указга кул куелган көнгә (2018 елның 2 марты) һәм Россиядә фәнни педагогикага нигез салучы Константин Дмитриевич Ушинскийның туган көненә бәйле рәвештә сайланган.

Фото: ТР Мәгариф һәм фән министрлыгы сайты