«Җиңү чыршысын яса» халыкара рәсем конкурсына гаризалар кабул ителә
23 ноябрьгә кадәр «Җиңү чыршысын яса» халыкара рәсем конкурсында катнашу өчен гаризалар кабул ителә. Бәйге Бөек Җиңүнең 80 еллыгына багышлана. Авторларга 1945 елгы Яңа ел чыршысы сурәтләнгән открытка ясарга тәкъдим ителә.
Конкурс 5 яшь төркеме өчен үткәрелә: 6-8, 9-11, 12-14, 15-17 яшьләр һәм 18 яшьтән өлкәнрәкләр (өлкәннәр). Катнашучылар үз эшләрендә әби-бабайлар һәм аларның ата-аналарының чыршыны бизәүләрен, бәйрәм рухы тудыруларын һәм бүләкләр алмашуларын сурәтли алалар. Рәсем сәнгатенең теләсә нинди техникасында ясалган рәсемнәр кабул ителә.
Моннан тыш, конкурс кысаларында «Иң актив педагог», «1945 елгы чыршы уенчыгы» һәм «Китап тышлыгы» кебек махсус номинацияләр булдырылды.
Барлык рәсемнәр Җиңү музееның рәсми сайтында виртуаль күргәзмәнең бер өлеше булачак. Җиңүчеләрне бүләкләү тантанасы декабрьдә Мәскәүдә узачак.
Тулырак мәгълүмат бәйге сайтында
Фото: конкурс рәсми сайты
Язмага реакция белдерегез
Вход на сайт
ТӘКЪДИМ ИТӘБЕЗ
Комментарийлар