Иннополис лицеенда яңа профильле СИБУР-классы ачылды

Укучылар, стажировка үтеп, компаниянең җитештерү культурасы белән таныша алачак. Статистика буенча, мондый сыйныфларны тәмамлаучыларның 80 % ы әйдәп баручы инженер һәм химия вузларына укырга керә.

Иннополис лицееның программасы профильле фәннәрне генә түгел, ИТ, чит телләр, иҗат һәм спорт дәресләрен дә үз эченә ала. Сибур һәм Нефтехим класслары Казан һәм Түбән Каманың берничә мәктәбендә ачылган инде, бу төбәктә табигый-фәнни циклны һәм инженерлык белемен ныгытырга мөмкинлек бирә.

Фото: ТР Мәгариф һәм фән министрлыгы матбугат хезмәте