Яшүсмерләр клубларында бушлай чаралар сериясе узачак

12 март көнне «Сандугач» клубында «Гарри Поттер» китаплары буенча интеллектуаль уен узачак. Квизга кушылырга теләүчеләрне 17:30 да Гагарин урамы, 776 адресы буенча көтәчәкләр.

13 март көнне «Кояш Нуры» клубында катнашучылар киемнәр өчен татар орнаменты ясый алачак. Дәрес 17:00 дә башлана. Адрес: Зәкиев ур., 25а.

14 март та чараларга бай булачак. 10:00 дә «Пазллар" клубында (Җиңү пр., 62, корп.2) иртәнге йога дәресе үткәреләчәк.

15:00 сәгатьтә «Старт» клубында (Побежимов ур., 53) сәнгать дәресе узачак.

Шулай ук «Үзебезнекеләр» клубында тукымадан һәм кәгазьдән чәчәкләр ясау буенча мастер-класс та үтәчәк. Адрес: Степан Халтурин ур., 11/10.

17:00 дә исә  «Лада» клубында (Гаврилов ур., 22) узачак акрил белән рәсем ясауга кушылып булачак. Теркәлү +7(927)439-61-53 телефоны буенча. 

«Авангард» клубында (Ломжа ур., 15) 19:00 дә пилатес старт ала. Катнашу өчен +7(987)209-12-74 телефоны буенча язылырга кирәк.

15 март көнне «Канатлы» клубында арт-кичә булачак. Башлана – сәгать 17:00 дә. Ә 17:30 да «Дуслык» клубында (Мусин ур., 70) өстәл уеннарына кушылып булачак.

Фото: Марат Мугинов