Электрон дәреслекләр мәктәпләрдә кулланылачакмы?

22 сентября 2025 Мәгариф

Мәктәпләрдә электрон китаплар кулланылмаячак, дип хәбәр итте Россия Федерациясе мәгариф министрының беренче урынбасары Александр Бугаев.

– Без мәктәпләрдә, мәсәлән, электрон дәреслек кулланмаячакбыз. Электрон китап белән чагыштырганда, кәгазь дәреслек баланың дөньяга карашын һәм баш миенең үсешен формалаштыра. Әлбәттә, безнең дәреслекләр кәгазь булып калачак, – диде ул.

Шуның белән бергә, Александр Бугаев мәктәпләрдә белем бирү процессына ярдәм итә торган төрле электрон системалар кулланылуын билгеләп үтте.

Министр шулай ук укытучы белән укучы арасында җанлы аралашу әһәмиятен ассызыклады.