Дәүләт Думасында Укытучылар көне уңаеннан педагогларга түләү кертергә тәкъдим иттеләр

30 сентября 2025 Мәгариф

Дәүләт Думасы вице-спикеры Борис Чернышов Россия Федерациясенең вице-премьеры Дмитрий Чернышенкога Россиядә Укытучылар көненә ел саен оклад күләмендә түләү кертү тәкъдиме белән мөрәҗәгать юллады. Бу хакта «РИА Новости» хәбәр итә.

Мөрәҗәгатьтә әйтелгәнчә, барлык педагогларга, шул исәптән өстәмә белем бирү өлкәсе хезмәткәрләренә дә Укытучылар көне уңаеннан база оклад күләмендәге түләү кертү турында сүз бара.

Автор фикеренчә, әлеге адым матди ярдәм күрсәтүдән тыш, педагогик һөнәрнең абруен ныгытуга һәм мәгариф өлкәсендә кадрлар потенциалын саклап калуга ярдәм итәчәк.