Дәүләт Думасында 1 сентябрьне ял көне итәргә тәкъдим иттеләр. Кемнәр өчен?

04 августа 2025 Мәгариф

Россиядә мәктәп укучыларының ата-аналары өчен 1 сентябрьне түләүле ял көне итәргә мөмкиннәр. Идеяне «Гадел Россия – Дөреслек өчен» фракциясе җитәкчесенең беренче урынбасары Дмитрий Гусев җиткерде. Бу хакта РИА НОВОСТИ хәбәр итә.

– Әйдәгез, 1 сентябрьне мәктәп укучыларының ата-аналары өчен бәйрәм көне итик, аларга түләүле ял көне бирик, – диде ул.

Дмиртий Гусев закон проекты хәзерге вакытта әзерлек стадиясендә булганлыгын җиткерде.

Аның сүзләренчә, күп кенә ата-аналар өчен, бигрәк тә балалары беренче тапкыр мәктәпкә баручылар өчен 1 сентябрь – дулкынлану һәм горурлык көне. Ләкин күпләр үз хисабына ял алырга яки отпуск көнен кулланырга мәҗбүр, барлык эш бирүчеләр дә кешенең хәленә керергә әзер түгел.

– Без түләүле ял көненә хокукны закон нигезендә беркетергә тәкъдим итәбез, – дип сүзен төгәлләде Дмитрий Гусев.

Фото: freepik.com