БДИ баллы 50 дән кимрәк булган абитуриентларга түләүле урыннар бирелмәячәк

29 октября 2025 Мәгариф

РФ Мәгариф һәм фән министрлыгы илнең югары уку йортларында түләүле урыннарның чик санын билгеләү методикасын эшләде.

Методика нигезендә, түләүле урыннар саны соңгы ике уку елында коммерция нигезендә белем алган студентларның уртача саны дәрәҗәсендә билгеләнәчәк.

Югары уку йортларында түләүле урыннар бердәм дәүләт имтиханында уртача баллы 50 дән ким булмаган абитуриентларга гына биреләчәк.

Министрлык югары уку йортларына түләүле кабул итү буенча үз тәкъдимнәрен юллаячак, ә университетлар үз чиратында аларны төзәтү буенча тәкъдимнәр кертергә хокуклы.