Яшь гаиләләр өчен түләүсез бала караучылар

Татарстанда яшь гаиләләр өчен түләүсез бала караучылар булдырырга телиләр. Социаль ярдәм агымдагы елның 1 маеннан гамәлгә керергә тиеш. Әмма аңа һәркем дәгъва белдерә алмаячак.

Түләүсез бала караучы хезмәтеннән файдаланырга теләүче гаиләләрнең түбәндәге шартларга туры килүе кирәк:

– Әти-әнинең яше: утызга кадәр. 

– Югары уку йорты студентлары булу.

– Сабый: балалар бакчасына йөрмәүче 6 айдан 3 яшькә кадәр.

– Гариза юллаучы әти-әнинең РФ гражданнары, рәсми яшәү урыннары Татарстан булу.

– Гаиләнең салым, иминият өлкәсендә бурычлары булмау.

Әлеге мөмкинлектән файдалану өчен, Татарстан Республикасы Хезмәт, халыкны эш белән тәэмин итү һәм социаль яклау министрлыгына мөрәҗәгать итәргә кирәк булачак.

Фото: нейрочелтәр