Киберкуркынычсызлык буенча Халыкара олимпиада җиңүчеләре - Россиядән

07 июль 2026 Әдилә БОРҺАНОВА

27 июньнән 2 июльгә кадәр Туниста югары сыйныф укучылары арасында киберкуркынычсызлык буенча Халыкара олимпиада узды.

Анда Россия җыелма командасы абсолют чемпион булып танылды. Безнең команда дүрт медальгә ия булган.

Ярышның финал өлешендә Россия командасы дөньяның 19 иленнән килгән 70 сәләтле мәктәп укучысы белән очрашты. Катнашучылар Бразилия, Кытай, Италия, Сингапур, Швеция, АКШ һәм Тунистан җыелган иде.