Рөстәм Миңнеханов Татарстан Республикасы Рәисен сайлауда катнашты

КНИТУ-КАИның беренче бинасында урнашкан 42нче сайлау участогына (К. Маркс ур., 10) Рөстәм Миңнеханов тормыш иптәше белән килде.

Исегезгә төшерәбез, Татарстанда Бердәм тавыш бирү өч сайлау кампаниясен үз эченә ала: Татарстан Республикасы Рәисен сайлау, җирле үзидарәнең вәкиллекле органнары депутатларын сайлау, шулай ук 18 нче Мәләкәс бер мандатлы сайлау округы буенча Татарстан Республикасы Дәүләт Советы депутатын өстәмә сайлаулар (Чаллы шәһәре).

Сайлау участоклары 20:00 сәгатькә кадәр эшләячәк.

Фото:  ТР Рәисе матбугат хезмәте.