Россиядә югары белем бирүнең яңа моделенә күчү өч ел эчендә тәмамланачак

03 август 2026 Мәгариф

Россиядә югары белем бирүнең яңа моделенә тулысынча күчүне алдагы өч елда тәмамлау планлаштырыла. Бу хакта РФ Фән һәм югары белем министрлыгы хәбәр итә.

Ведомство мәгълүматларына караганда, 2027 елдан аерым белгечлекләр буенча яңа модельгә күчү башланачак.

2026 елда кадрлар әзерләүнең яңа системасын сынап караучы 17 югары уку йортына 42,4 меңгә якын абитуриент бюджет урыннарына кабул ителәчәк.

Пилот проект 2023 елда старт алды. Аның кысаларында студентлар базалы һәм махсуслаштырылган югары белем ала, ә аспирантура фәнни, фәнни-педагогик һәм тикшеренү кадрларын әзерләүгә юнәлтелгән аерым һөнәри белем дәрәҗәсе итеп гамәлгә ашырыла.