Казан мәктәпләре ашханәләре яңартылган

01 сентября 2025 Мәгариф

Җәйге каникулларда Татарстан башкаласының 12 мәктәп ашханәсендә модернизация үткәрелде. Төзелеш-монтаж эшләрен башкаруга республика бюджетыннан 271 млн сум акча бүлеп бирелгән. Бу хакта эшлекле дүшәмбедә Казанның азык-төлек һәм социаль туклану департаменты генераль директоры Рима Мөхәммәдшина хәбәр итте.

Шәһәрдә барлыгы 188 мәктәп рестораны эшли. Җиһазларны модернизацияләүне ремонтлана торган азык-төлек блокларында гына түгел, ә кирәк булган урыннарда да үткәрәләр. Әйтик, 1 сентябрьгә мәктәп ашханәләрендә 37 млн сумлык җиһаз урнаштырылган, 9,5 млн сумлык җиһаз һәм декоратив элементлар яңартылган, 17 млн сумлык аш бүлмәсе инвентаре һәм савыт-саба сатып алынган. Бу максатларга туклану департаменты 64 млн сумга якын үз акчаларын юнәлдергән.