«Балачакка кайту» фестиваленең төбәк этабы нәтиҗәләре ясалды

16 сентября 2025 Мәгариф

Татарстан Республикасында «Балачакка кайту» балалар иҗаты фестиваленең төбәк этабы нәтиҗәләре ясалды. Чара балалар йортларында һәм интернат-мәктәпләрдә тәрбияләнүчеләргә ярдәм күрсәтүгә юнәлтелгән.

«Балачакка кайту» проекты "Яшьләр һәм балалар" милли проектының максатларына һәм өстенлекле юнәлешләренә туры килә.

Фестиваль биш конкурс юнәлешен үз эченә ала:

«МастерОК» кул эшләре күргәзмәсе;
«Ума палата» интеллектуаль уены;
«Балачак йолдызлары» иҗат конкурсы;
«Идел буе спорт Олимпы» спартакиадасы;
«Аш-су осталыгы» конкурсы.

2025 елның мартыннан маена кадәр ата-ана каравыннан мәхрүм калган балалар һәм ятимнәр өчен ун оешма базасында сайлап алу этаплары уздырылды. Бу этапларда Татарстанның сигез балалар йорты һәм ике интернат-мәктәбеннән тәрбияләнүчеләр катнашты.

Җиңүчеләр республика исеменнән 2025 елның 16 сентябреннән 20 сентябренә кадәр Уфа шәһәрендә узачак фестивальнең төбәкара этабында чыгыш ясаячак. Делегация составына 35 катнашучы һәм 4 озатучы керә.