«УРАМ» экстрим-паркы идеяләр мәйданы

«Яшьләр көне – бүгенге көндә Татарстан яшьләренең никадәр төрле, актив һәм мөстәкыйль булуын, аларның үсеше өчен нинди мөмкинлекләр барлыгын күрсәтү  ул. Быелгы Яшьләр көне концепциясе – лозунг кына түгел,  һәр яшь кешенең шәхси тормыш маршруты: яңаны белү, үзенең кызыклы эшен табу, идеяләрне конкрет проектларга әверелдерүгә юл ачу.  Бу көнне бәйрәмгә килгән яшьләрнең мәгариф, спорт, иҗат, волонтерлык, эшмәкәрлек һәм иҗтимагый тормышта нинди мөмкинлекләр барлыгын күрүләре мөһим», – ди ТР яшьләр эшләре министры Азат Кадыйров.

«УРАМ» экстрим-паркы  әлеге бәйрәмнең үзәк мәйданчыгы булачак.  Анда мәгариф, иҗат, карьера үсеше, аралашу, яшьләр башлангычлары, спорт уеннары белән бәйле чаралар узачак, махсус мәйданчыклар эшләячәк.