Татарстанда “Тоталь диктант” яңа форматта узачак

Казанда 200 дән артык мәйданчык оештырылган. Диктантны китапханәләрдә, югары уку йортларында, мәдәният үзәкләрендә, музейларда һәм башка урыннарда язып булачак, аларның 50 дән артыгы теләге булган һәркем өчен ачык булачак.

Быел үзәк мәйданчыклардан – А.С. Пушкин исемендәге Мәдәният үзәге, Татарстан Республикасы Милли китапханәсе һәм Филология һәм мәдәниятара коммуникация институты  булачак. Диктантны танылган медиашәхесләр: актерлар, җырчылар, блогерлар, җәмәгать эшлеклеләре, шулай ук журналистлар яздырачак.

Көндезге диктантка шәхси кабинет аша теркәлергә мөмкин, “Мәйданчыклар” бүлегендә уңайлы мәйданчыкны сайлап алыгыз. Акция турындагы яңалыкларны һәм өстәмә мәгълүматны оештыручылар “ВКонтакте” төркемендә бастырачак: https://vk.com/totaldictkzn

Диктант авторы – язучы, сценарист, «Ясная Поляна» премиясе финалисты, телетапшырулар алып баручы һәм журналист Марина Москвина.

Диктантны яхшы билгегә язучыларны июнь башында тантаналы бүләкләү тантанасында бүләкләячәкләр.

Үз белемнәрен шулай ук мәктәп укучылары да тикшереп карый алачак. 

 – Быел 1–7  нче сыйныф укучыларына яңа сынау форматы – язучы Марина Москвина текстына нигезләнгән 20 сораудан торган тест тәкъдим ителәчәк. Шулай ук TruD тестының яңа форматы кертелде, анда сорауларга җаваплар танылган шәхеснең фикеренә туплана. Әлеге үзгәрешләр аудиторияне киңәйтүгә һәм яшьләр, балалар арасында грамоталылыкка кызыксынуны арттыруга юнәлтелгән, – дип билгеләп үтте «Тоталь диктант» халыкара мәгърифәтчелек акциясенең Татарстандагы төбәк координаторы Сергей Чуманов.

Фото: проект матбугат хезмәте