Татар Шүрәлесе тимераякта

26 апрельдә “Шүрәле” мотивлары буенча симфоник оркестр белән боз шоуы узачак.

Шунысын да билгеләп үтәргә кирәк: боз аренасында барыбызга да таныш булган поэма куелмаячак:

— Нигезгә “Шүрәле” балетының сюжеты салынган, чөнки 26 апрель – татар шагыйре Габдулла Тукайның туган көне. Фәрит Яруллин музыкасы кулланыла, әмма сез рус композиторлары әсәрләрен дә ишетәчәксез: Модест Мусоргский, Пётр Чайковский, Сергей Прокофьев, – дип билгеләп үтте «Музыка и Преображение» Мәскәү хәйрия фонды директоры, «Мәскәү-Татарстан» проекты сәнгать җитәкчесе Тимур Гафитулин.

Шоуның сәнгать җитәкчесе – хореограф-куючы Татьяна Касаткина. Ул тамашада акробатик, пиротехника, ут элементлары булачагын әйтте. 

Татар балетында мәхәббәт тыйнак

Төп хатын-кыз ролен – Сөембикә кошын Сербиядә күп тапкырлар чемпион булган Елена Йованович башкарачак. Ул билгеләп үтүенчә, образ тыйнак һәм назлы килеп чыккан:

— Без сезнең җирдә булганга күрә шулай, бу – татар тарихы. Рольне башкару буенча бик күп нечкәлекләр бар. Мин балетны карадым, әсәрне укыдым, анда бераз башкачарак. Татар балетында мәхәббәт башкача күрсәтелә...ул бик тыйнак.

“Терәк-Опора” хәйрия фонды махсус хәрби операциядә катнашучыларга, аларның балаларына һәм гаиләләренә, инвалидларга һәм аз керемле гаиләләргә билетларның якынча 30 % ын бушлай таратачак.