Кышкы ялларда һичшиксез барырга кирәкле 5 урын

01 гыйнвар 2026 Мөршидә КЫЯМОВА

Яңа ел бәйрәмнәрен күңелле уздырырга җыенсагыз, һичшиксез безнең тәкъдимгә колак салыгыз!

Татарстанда төп чыршы һәм бәйрәм концертлардан тыш, бөтен республика буйлап масштаблы тематик фестивальләр узачак.

Кукмара районында 5 гыйнварда «Кукмара киез итекләре» XI Бөтенроссия халык иҗаты фестиваль-ярминкәсе үтәчәк.

Азнакайда 7 гыйнварда команда заездлары һәм зур концерт программасы белән «САНИФЕСТ - 2026» креатив чаналар фестиваль-конкурсы узачак.

Менделеевскида гыйнвар ае дәвамында шәһәр урамнарында «Җылы эффект» кышкы программасы ачылачак, ул «Кыш фест» театр-гастрономия фестивален һәм «Валенка-фест» спорт фестивален үз эченә ала.

Арча районында «Дуслык күпере – Мост дружбы» этномәдәни квестлары халык уеннары, коллективлар чыгышлары һәм мастер-класслар белән узачак.

Әгерҗе районында 7 февральдә «Шудопельнянь (Бәхетле пилмән)» гастрономия фестиваль-конкурсы була. Анда пилмән һәм авыл музеена экскурсия оештырыла.

8 февральдә Мамадыш районында бозлы трасса буенча «SunnyФЕСТ» креатив чаналар регионара ачык фестивале узачак.

Фото – шедеврум.