Диния нәзарәте яшьләр өчен курслар оештыра

Әлеге проектлар мөселман яшьләре арасында гаилә кыйммәтләрен ныгыту максатыннан тормышка ашырыла, шәригать һәм татар халкының гореф-гадәтләренә нигезләнеп, никахка кагылышлы төрле мәсьәләләргә багышлана. Белем бирү курсы Коръәнгә, Мөхәммәд пәйгамбәр сөннәтенә, ислам дин галимнәре дәресләренә нигезләнгән күптөрле белемнәрне үз эченә ала, дип хәбәр итә ТР мөселманнарының Диния нәзарәте.

Курста катнашучыларга очрашулар һәм видеодәресләр форматында гасырлардан килгән татар-мөселман традицияләре, никахның дини һәм хокукый яклары, хатын һәм ирнең бурычлары һәм хокуклары, мәһәр һәм никах килешүе, хатын-кыз һәм ир-ат физиологиясе, гаилә эчендәге хәлләрне тыныч юл белән хәл итү, мөнәсәбәтләрне кору әдәпләре һ.б. мәсьәләләр турында сөйләнә. 

Фото: ТР мөселманнарының Диния нәзарәте