Чит ил гражданнары өчен мәктәпкә кабул итү тәртибе үзгәрде

02 апреля 2025 Гүзәл ЗАКИРОВА

Россиядә 1 апрельдән чит ил гражданнары һәм гражданлыгы булмаган затлар өчен мәктәпкә кабул итү буенча аерым тәртип билгели торган федераль закон эшли башлады. Бу хакта матбугат конференциясендә ТР мәгариф һәм фән министры урынбасары, Мәгариф өлкәсендә күзәтчелек һәм контроль департаменты җитәкчесе Рәмис Гаптрәис улы МӨҖИПОВ хәбәр итте.

Россия Федерациясе Мәгариф министрлыгының 04.03.2025 ел, №171 боерыгы нигезендә 2025 елның 01 апреленнән чит ил гражданнары һәм гражданлыгы булмаган затлар башлангыч гомуми, төп гомуми һәм урта гомуми белем бирү программаларын үзләштерү өчен рус телен белүгә тест узарга тиеш.

Татарстан Республикасында чит ил гражданнарына һәм гражданлыгы булмаган затларга тест үткәрү көне – һәр айның соңгы чәршәмбесе.

Тестлар үткәрү расписаниесе:

30.04.2025

28.05.2025

25.06.2025

30.07.2025

27.08.2025

24.09.2025

29.10.2025

26.11.2025

24.12.2025