«Тышлыкта үзебезнекеләр» – Фәрит Нурмөхәммәтов!

«Тышлыкта үзебезнекеләр» рубрикасы герое – җитәкче урынбасары – Фәрит Нурмөхәммәтов! 

🔥Кызыклы фактлар:

Мәктәп елларында авыл хуҗалыгы белгече – баш инженер булырга хыялланса да, 8 нче сыйныфта укыганда район газетасына җибәргән беренче мәкаләсе “язмышын хәл итә” – мәктәптән соң Казан университетының  журналистика бүлегенә укырга керә.

* Дүрт дистә елга якын журналистлык эшчәнлегендә төрле вазифаларда булырга туры килә, гади корреспонденттан башлап – баш мөхәрриргә кадәр.

* Журналист булып эшләгән шушы дәвердә, үзе әйтмешли “йөрмәгән җире, кермәгән тишеге” калмаган. Татарстанда ул булмаган бары ике район гына калган - Чүпрәле һәм Баулы.

Яраткан шөгыле🤩

*Казаннан ерак түгел генә бер авылда, үз йортларында, бакчада кайнашырга ярата, бакча-хуҗалык эшләре, җиләк-җимеш, яшелчә үстерү яраткан шөгылем, ди;

* Сәяхәт итәргә — “дөнья күрергә” ярата. Россиянең егермеләп шәһәрендә, җиде илдә булып кайткан;

*Тарих белән кызыксына! Мисыр пирамидаларын тамаша кылып, шаккатып кайтканнан соң, антик тарих белән кызыксынуы арткан.

🌟Хыялы – яшьлегендә, армиядә хезмәт иткәндә поезд тәрәзәсеннән генә күзгә чалынып калган данлыклы Байкал күлен барып күрү, табигатьнең шул могҗизасына хозурлану.