Мәскәүдәге бердәнбер татар мәктәбенә яклау кирәк

Хакимият, икътисади яктан уңайрак булуына сылтап, әлеге белем йортын 2010 номерлы зур мәктәп белән кушарга ниятли. «Шулай була калса, милли мәктәп уникальлеген югалтып,  гади бер филиалга әвереләчәк», – дип чаң суга «Миллиард. Татар». Нәкъ менә бу мәктәптә Мәскәүдә рәсми рәвештә 1–3 сыйныфлар өчен «Татар теле буенча практикум» алып барыла, ә 5–6 сыйныфларга атнага ике сәгать татар теле укытыла. Актив гражданнар белем йорты гына түгел, ә милли-мәдәни үзәк ролен дә үтәгән милли мәктәпне саклап калу өчен петициягә имза җыя башлаган.

Фото авторы – нейрочелтәр.