«Ел укытучысы – 2025» конкурсы җиңүчеләре
21 мартта Казанда 33 нче тапкыр Бөтенроссия «Ел укытучысы – 2025» конкурсының республика этабын йомгаклау тантанасы узды.
Татарстанда «Ел укытучысы – 2025» титулына Чаллыдан рус теле һәм әдәбияты укытучысы Мария Ерофеева ия булды. Лениногорск шәһәреннән Виктория Цыганова «Ел тәрбиячесе – 2025» исемен алды. Менделеев каласыннан Айгөл Корбанова «Туган телдә тәрбияләү һәм укыту төркеме тәрбиячесе – 2025» номинациясендә уңышка иреште. Казаннан Айсылу Мөхәммәтова (Татарстанда), Свердловскидан Светлана Ахунова (Россия төбәкләре арасында) «Иң яхшы татар теле һәм әдәбияты укытучысы» булып танылды. Бөгелмәдән математика укытучысы Илгиз Габдрахманов «Педагог дебюты» номинациясендә җиңде.
Зона ярышлары Кукмара, Питрәч, Тәтеш, Нурлат, Яшел Үзән, Әлмәт, Түбән Кама, Чаллы, Казан мәктәпләре, балалар бакчалары базасында оештырылды. Конкурсның соңгы турында 139 педагог катнашты.
Автор фотолары
Язмага реакция белдерегез
Вход на сайт
ТӘКЪДИМ ИТӘБЕЗ
Комментарийлар