БДИ – 2026: тәүге нәтиҗәләр

22 июнь 2026 Ләйсән НИЗАМОВА

Татарстанда беренче бердәм дәүләт имтиханнарының нәтиҗәләре билгеле булды дип хәбәр итә Татарстан Мәгариф һәм фән министрлыгы.

Химия, әдәбият, тарих, рус теле һәм математика фәннәре буенча БДИда укучылар бик яхшы күрсәткечләргә ирешә, бу үз чиратында укытучыларның югары профессиональ эшчәнлеге турында сөйли.

Нәтиҗәдә:

340 укучы – 100 балл җыйган.
10 укучы ике фән буенча максималь 200 балл җыйган.
КФУның IT-лицеен тәмамлаган Ләйсән Шакирова рус теле, химия һәм профильле математикадан 300 балл җыйган.

Югары күрсәткечләргә ирешкән укучылар арасында кечерәк шәһәр һәм авылларда укучыларның күп булуы сөендерә.