ТР Дәүләт җыр һәм бию ансамбле оркестры Бауман урамында бушлай концертлар бирәчәк

Дирижер Айрат Хәйруллин билгеләп үткәнчә, концертта Татарстан Дәүләт җыр һәм бию ансамбленең бер алтын фондында булган әсәрләре генә яңгырамаячак (ә коллективның 88 еллык хезмәт эшчәнлеге дәвамында андый әсәрләр аз җыелмаган). Рус һәм чит ил әсәрләре, татар бию көйләре, сугыш еллары җырлары һәм совет фильмнарыннан таныш җырлар — казанлыларны һәм башкала кунакларын шәһәрнең үзәк урамында шундый программа көтә.

Күренекле «Катюша», «Смуглянка» җырларыннан, «Иван Васильевич меняет профессию», «Девчата» фильмнарыннан, татар һәм рус әсәрләреннән, гагауз һәм мордва биюләреннән, молдаван һәм осетин көйләреннән башка булмый. Салкынча һава торышы булган очракта да туңарга сәбәп юк — программа энергияле һәм дәртле булырга вәгъдә итә.

Дәүләт ансамбле оркестры өчен ачык мәйданчыкларда чыгыш ясау — яңа тәҗрибә. Ансамбльнең сәнгать җитәкчесе, РФ атказанган, ТР халык артисты Айрат Хәмитов сүзләренә караганда, мондый концертлар — ансамбльнең оркестр төркеме потенциалын күрсәтү мөмкинлеге.

Чыгышларга ТР Дәүләт җыр һәм бию ансамбленең солистлары да кушылачак.

Концертлар 16.00 сәгатьтә башлана.

Фото: Дәүләт җыр һәм бию ансамбле оркестры матбугат хезмәте