Укучылар һөнәри юнәлеш алачак

20 август 2026 Альберт САБИРОВ

Яңа уку елында республикабыз мәктәпләрендә 6 –11 нче сыйныф укучылары өчен «Россия – минем офыкларым» дәрестән тыш эшчәнлек курсы яңартылачак.

Быел программага беренче тапкыр республиканың икътисадына, предприятиеләренә һәм кирәкле һөнәрләренә багышланган төбәк блогын кертәчәкләр. Укучылар тугыз тематик дәрес вакытында Татарстан икътисадының төп тармакларының казанышлары, аларның кадрларга булган ихтыяҗлары, хезмәт шартлары, карьера үсеше өчен мөмкинлекләр белән танышачаклар, дип хәбәр итә «Киләчәккә билет» проектының матбугат хезмәте.