Иҗади инспекторлар

27 июль 2026 Ләйсән НИЗАМОВА

5 август – Халыкара Светофор көне.

Бу көнне иң беренче светофор эшли башлаган. Шул уңайдан юл-транспорт һәлакәтендә зыян күргән балаларга ярдәм күрсәтә торган Наташа Едыкина исемендәге хәйрия фонды иҗади конкурслар игълан итә. Бәйге өч номинациядә үтә, 3 яшьтән 18 яшькә кадәр балалар катнаша ала. Рәсем, видео, җыр, нәфис сүз, кулдан ясалган эшләнмәләр...

Юл йөрү кагыйдәләрен яхшы белгән иҗади балаларның эшләре 18 августка кадәр кабул ителә.

Катнашу тәртибе һәм шартлары турында тулырак фондның рәсми сайтында танышырга мөмкин.