Рөстәм Миңнеханов А.Н. Туполев исемендәге халыкара премия лауреатын бүләкләде

2026 ел лауреаты – «Росатом Наука» акционерлык җәмгыяте генераль директорының беренче урынбасары, «Росатом» дәүләт корпорациясенең өстенлекле фәнни-технологик юнәлеше буенча фәнни җитәкчесе, техник фәннәр докторы, профессор Алексей Дуб.

Рөстәм Миңнеханов Татарстанда инженер-техник белгечләр әзерләүгә зур игътибар бирелүен ассызыклады. «Безнең сигез университет югары квалификацияле инженер-техник белгечләр әзерләү белән шөгыльләнә. Аларның бишесендә алдынгы инженерлык мәктәпләре бар. «Приоритет-2030» программасына безнең алты югары уку йорты керә», – дип билгеләп үтте Татарстан Рәисе.

А.Н. Туполев исемендәге халыкара премия 2014 елда Татарстан Республикасы Рәисе Указы белән гамәлгә керде. Ул инженерлык фәннәре өлкәсенә зур өлеш керткән Россия һәм чит ил галимнәрен бүләкләүгә юнәлтелгән.

Фото – Татарстан Республикасы Рәисе матбугат хезмәте.